Wednesday, November 23, 2011

Interserve Rawngbawlna ka chhim ve a.

Pathian rawngbawl a an hun pumpui hlan ta te, hnathawk chung leh chhungkaw enkawl chunga rawngbawl mek te, an thiamna leh theihna hlan a, Doctor, Engineer,Banker, Lawyer ect…ho in tel khawm Interserve, Pune  base te chuan Bombay Mizo Christian Fellowship te an rawnbawlna tawiawm a, Zaipawl nei turin min rawn sawm hlauh mai a. An sawmna te ngai pawimawh in, Ni 19.11.2011, Inrinni tlai lam chuan keini BMCF zaipawl, mi sawm leh pakua  te chu YMCA Hall, Byculla ah Pathian Hla pali lai kan va rem a ni. 

Ka han hawi vel a, Missionary leh Pastor rual thiau han hmuh chu ngaih hi alo tha ve em em ringawt a, an fa naupang tak tak te nen a Pathian tana an hun pum pe a rawngbawl te han hmuh chuan rilru a khawih em em a ni.

Tichuan an rawngbawlna report te an han pe zuaih zuaih a, Mizo nu ngei mai Pi Rami, he Interserve rawngbawlna a thawk hlawk ta mai leh dinhmun sang tak chelh mek bawk chuan a testimony a rawn sawi a. Rilru a khawih khawp mai, Bhutan ramah missionary a  a awm thin laiin, Ramri ah, man hlauhawm em em kara Bible sang tel tak meuh meuh a ken luh thin thu te chu a ropui khawp mai.Midang chanchin ngaihnawm tak tak pawh kan ngaithla reng bawk a.

Pi Rami(Centre)
 An hnathawh dan hrang hrang te, he Interserve dintu te thu khawchang video in kan en reng bawk a, chung zingah chuan Mizo pa ngei mai, Dr. LN Tluanga leh Pu Lalchuangliana te hmel kan han hmu hlawl mai a, rilru takin ka lo intithei ve viau ringawt a.

Kan han zai ta ngei a, kan zai zawh ah te chuan kut an beng dar dar a, uar takin min lo sakpui ve mek hlawm bawk a, a nawm dan a dangdai khawp mai.

Kan han zai zo chu tihian min comment a, “Mizo choir te in chungah kan lawm hle a ni, Mizoram hi India ramah Missionary tir chhuak hnem ber pawl an ni a, Christian-na in an society a thunun hneh em em a. Zing leh Zan chaw an ei dawn apiang in Buhfai tlem te, mirethei leh Kohhran ho hman atan an dah hrang thin. Buhfai tlem te, pachhia te tan nitin an dah hrang thin a ni. Kan entawn fo thin atan a tha hle a ni”, tiin.

Tichuan dar kar khat leh chave bawr hnu chuan kham lo takin hun an titawp ta a.Buh changrum leh sa, soup leh Salad te nen kan inkhel ta a ni.

Tichuan, enge Pathian tan hian ka tih ve le? tih ngaihtuah neuh neuh in ka haw ta  a ni.
Posted by at

12 comments:

  1. AnonymousNovember 23, 2011 at 11:04 AM

    Pathian tana inhlan tak tak inhmuhkhawm chu a nuamin a va hlimawm dawn em ve aw.. Hnamdangte state danga kristian-te'n min hmuh dan tha anga kan awm zel a ngai khawp mai. Hah a dam suai suai. Thlalak pawh a hmuhnawm e. An fai hlawm bawk a, an hmeltha hlawm kher mai. 'Pathian tan eng nge ka tih ve theih ang?' tih ka ngaihtuah zui ve rauh rauh mai.

    ReplyDelete
  2. caribouNovember 23, 2011 at 11:21 PM

    Thlalak a tam bawk a, mit a tlai ngei mai. Eitur khian chila va tiput ve; tin picture hnuai ber dawttu khi hmuh a va nuam ve.

    ReplyDelete
  3. Er. BeethugsNovember 24, 2011 at 8:15 AM

    @TS, i sawi dik khawp mai, hnamdang christian te karah kan hming hi a tha teh ania...ka lo intithei ve viau ringawt a.. Vai Ringtu lawk ho chu an lo tu ru ve khawp mai. :)

    ReplyDelete
  4. Er. BeethugsNovember 24, 2011 at 8:18 AM

    Cari chu thil hmuhnawm i va hre chat chat ve..!! hahaha

    ReplyDelete
  5. MizohicanNovember 25, 2011 at 1:48 AM

    Hets, ka niece khi i va focus ngun bik ve. hets trets trets... :)

    ReplyDelete
  6. Er. BeethugsNovember 25, 2011 at 8:20 AM

    E heu...va den deuh ve..hahaha..@Mizohican : Pic khi a rualkhai thei ang berin ka dah ve hram hram a sin le.. Makpa a tan min va it loh hmel ve..!!!! :) Hhuhuhu hu

    ReplyDelete
  7. H.VangchhiaNovember 26, 2011 at 4:28 PM

    Mit a tlai e. Ka blogah hian thlalak a bawr a dah loh ka thiam lova a hahthlak khawp mai.

    Mizohican (what kinda name is that lol) hian a niece hi a ven hmel em mai ngaihzawn sak daih ru akekekeke.

    ReplyDelete
  8. Er. BeethugsNovember 26, 2011 at 9:48 PM

    Pu HV, pic chu ka drag mai a, duh duhna ah sawn mai theih, ka blog ah chuan, awlsam phian..!! :)

    Nia, kei pawh Mizohican tih hi a tum ber ka la hrethiam chiah hrih loh. hahaaha..
    A niece hi a hauh lutuk a, a hla zir te pawh a nghak thlap zel an ti tlatin ka hria..hahahaa..tak tak ni maw..!!!

    ReplyDelete
  9. Cobte KhiangteNovember 27, 2011 at 1:41 PM

    Pi Rami hi kan chhuang teh mai ania, a bikin Pune Mizo te tan hian thlarau a kan Nu tia kan koh thin a ni...

    ReplyDelete
  10. Er. BeethugsNovember 27, 2011 at 9:27 PM

    Cobtea chu i rawn leng lut vea ka lawm hle mai. NIa, Pune ho chu in vannei khawp mai, rinna lama hruaitu nu ber i nei bik hi in thikawm letling zawkin ka hre mah ani. ;)

    ReplyDelete
  11. Lo leng ve rawhNovember 29, 2011 at 2:37 AM

    Min hlep khawp mai :) Hemi ni kha tum tak te in kal k tum ve a, a hun a thlen hma zawng kha chuan k inbeisei avangin hla kha ka la zir a ni. A ni ah tak mai k hun kha chep ta riauva....k kal ta lova, k ui hle bawk. :)

    ReplyDelete
  12. Er. BeethugsNovember 29, 2011 at 8:59 AM

    he he..kha kha ni mai.. kal phei la chu anuam leh zual tur kha ania le...i awm lova a nuam tho mai..!!! hihi

    ReplyDelete

Subscribe to: Post Comments (Atom)